من يقول ماتجيب راسه حرمه " رواية من تأليفي ..

في الانتظآآآآر
الله يسمع منكم بنآآت
والله اذا ماصاروا حق بعض بقوووم اصيح
لا تطولي حسوسه فديتك انا لا تطولي

بااااتس ..

اتركم مع آخر بارت .. مع تمنيآتي لكم بقراءة ممتعة .. وامم .. بعدين اكمل ههههه اقرو ..

.............

الجزء العشرون
الفصل الاول .. وماقبل الاخير .
........................
أخفيت حبي لكن الدمع فضاح
يجري ويكتب فوق خدي
أحبـك
........................

بعد اسبوع ..
جلست الساعة 6 ونص الصباح .. بدلت ونزلت تحت ..
ملاك : صباح الخير .
حمد : صباح النور .
أيمن : صباح النور .
حمد : جهزي حالك .
ملاك : وين ؟
حمد : بنطلع البحرين .
ملاك : منو ؟
حمد : حنا وأعمامي .
ملاك : متى ؟
حمد : الساعة سبع نمشي من هنا .
ملاك : طيب .. بنجلس ولا ؟
حمد : ايوه بنجلس اسبوعين تقريبا .
ملاك : الله وناسة .. اجل بركب اجهز اغراضي .
اجت بتركب رجعت .. : ايوه صح .. حسان ....
قاطعها حمد : بيجي اهو واهله .
ملاك : ورهف بتجي ؟
حمد : ايه بتجي .
ملاك : اووكي .. يلا بركب اجهز أغراضي .
ركبت ملاك فوق .. تجهز لها اغراضها ودقت على ريم
ريم : هلا ملوك .
ملاك : اهلين .. اخبارك ؟
ريم : تمامو .. قالو لك ؟
ملاك : على البحرين ؟
ريم : يسس .
ملاك : ايوه وصل لي .
ريم : جهزتي اغراضك ؟
ملاك : كاني أجهزهم .. وانتي .؟
ريم : ايوه مجهزتهم من امس يامهملة .
ملاك : مهملة في عينك .. محد قال لي اننا بنروح البحرين الا اليوم .
ريم : ايواااا .. ولو مهمله ماتهتمي بأخبار العيلة .
ملاك : وش قالو لك .. الجزيرة وانا مدري .
ريم : ههههههه .. آمزح معاك .. يلا خلصي مابقى شي ع الساعة 7 .
ملاك : اووبس .. طيب .. اشوفك بعدين .
ريم : اووكي .. سيو
ملاك : سيو.

الساعة 7 .. مشو من بيت أبو فيصل .. متجهين للبحرين .
....
لما وصلو البحرين .. اتجهو للفندق ..
البنات كلهم قالو يبون شقة كلهم يجلسون فيها .. والشباب نفس الشي .
يبقى الحريم .. والرجال .. كل واحد مع زوجته .. اما الجدة ام محمد .. بقت في شقة أم راجي .
وصلو ونام الكل .. اللا الشباب والبنات .. عندهم طاقة زيادة .

في شقة الشباب
نايف : افف .. وبنطل ان شاء الله هنا .. قومو نطلع .
يزن : وين نروح ؟
حسان : السيف .. اي مكان .. اي مجمع .. المهم نطلع .؟
مناف : امم .. طيب نطلع .
تركي : والبنات ؟
راجي : لاااااا .. مانبيهم .
نايف : ايه مانبيهم .. موب كل مانبي نطلع يجون معنا .
خالد ( خطيب بتول ) : مو المشكله حنا نعدي بس عتبت الباب يدرون عننا .
يزن : ايه والله تقول مركبين رادار عندنا .
حمد : انتو قومو .. تلاقونهم خامدين .
نايف : نجرب .. يلا مشينا .
الشباب : يلا .

عند البنات .
شهد : والله قلبي حاسة ان فيه شي .
حلا : انا بعد .
ملاك : هههه يعني وش صاير بالزبط ؟
بتول : حاجة خطيرة .
ريم : خطيره كثير .
رهف : انا بعد والله .
ملاك : يؤؤ خوفتوني .
جود : فعلا شي خطييير .
ملاك : يوووه وش صاير .
شهد قامت من مكانها : الشباب بيطلعون عننا .
ولبست شيلتها والبنات وراها .. ويطلعون لقو الشباب يمشون على طرف اصابيعهم .. ولما شافوهم
نايف : اهربو ,
وراحو يركضون .. البنات دخلو سحبو كل وحده عباتها وراحت تركض واهي تلبس العباة .
( الممر اللي يركضون فيه ماكان فيه ححد ) .
طلعو برا الفندق والبنات وراهم .. والناس يطلعون فيهم .
ودخلو مع الشباب في السيارة .
نايف : اففففففففففففففففف .. مانخلص منكم .
شهد : لا يابعدي .. ماتخلصون مننا .
نايف : اففف .. طيب .

حرك السيارة وطلعو لمنتزه قريب من الفندق .. وقامو يلعبون مثل اليهال ..
الشباب وهم جالسين رن جوال نايف ..
نايف : هلا حسام .
نايف : شنوو ؟؟؟
نايف : وين ؟؟ وكيف ؟؟
نايف : متأكد .؟
نايف : ايه في البحرين حنا .
نايف : طيب طيب انا جاي .
قفل وراح يركض والشباب وراه : نايف وين ؟
نايف واهو يركض : بعدين بقول لكم .
راجي ركض وراه ويقول للشباب : انا بروح معاه .
الشباب خافو ..
اجو البنات
شهد : نايف وراجي وين راحو ؟
مناف : مدري ماقالو شي .
بتول : غريبة .. طيب وش اللي صار .
خالد : واحد دق عليه .. وراح يركض .
ملاك خافت : لا يكون فـ .. فـيصل .
حسان : لا لا ان شاء الله لا .. ان شاء الله كل خير .
رجعو الفندق مشي بما أنه قريب من الفندق ..

اول مادخلو لقو أبو فيصل موجود
أبو فيصل : انتو ماتصدقون تروحون مكان .. على طول تطفرون .. المفترض انكم مرتاحيين موب طالعين .
تركي : ارجوك يبه .. اللي يسمعك يقول رايحين امريكا موب البحرين .. كلها خطوتين .. جسر وانتهينا .
أبو فيصل : انت ياابو لسان محد كلمك .
تركي : كلمتنا كلنا .
أبو فيصل : وين نايف وراجي ؟
مناف : ماندري عنهم .. فجأة راح نايف يركض ووراه راجي .
أبو فيصل : كيف يعني وش اللي حصل ؟
حسان : فجأة رن تلفونه كلم وراح .
أبو فيصل : طيب ماعرفتو من اللي اتصل عليه ؟
خالد : كأني سمعته يقول حسام . ؟
تركي : اييه .. حسام .. لحظة ..
سكت تركي شوي : حسام .. حسام هذا صديق فيصل .
أبو فيصل : فييييصل .. فيصل .. يمكن عنده خبر عن فيصل .


......

~>> يتت‘ـتـ‘ـبع <<~

الجزء العشرون
الفصل الثاني والأخير
......

ياليل خبرني عن اللي انا اغليه عن واحد روحي بحبه شغوفه
اغليه من بد المخاليق وافديه
واحس للفرحه طعم يوم اشوفه
يطلب عيوني .. يطلب القلب .. واعطيه
ارهن حياتي .. بين ضمة كفوفه

......

اتصلو لنايف يعرفون وش اللي صاير .. قفلو من عنده .. وكل الرجال والشباب راحو للمكان اللي فيه نايف وراجي
ملاك دقت على حمد .
ملاك : حمد .. فيصل فيه شي .
حمد : لا لا .. لا تخافين .. السالفة ماتخص فيصل .. فيصل بخير .. توني داق عليه .. جالس في كندا .
ملاك : اكيد ؟
حمد : اكيد .
قفلت من عنده
ملاك : يقول فيصل بخير .. بس والله احس انه فيه شي .
شهد : انا لله .. استهدي بالله .
رن جوال ملاك .. المتصل ( رانية )
قامت ملاك من عند البنات : هلا رانية .
رانية : اهلين ملاك .. اخبارك .؟
ملاك : والله مدري شقول لك يارانية .. مدري شخباري .؟
رانية : معليش تصبري ان شاء الله مافيه الا كل خير .
ملاك : شنو ؟؟ منو ؟
رانية : اقصد فيصل .. ان شاء الله مافيه الا كل خير .. توني عرفت من ولد عمي .
ملاك خافت : عرفتي شنو ؟
رانية : ملاك شفيك ؟؟ عرفت ان فيصل مسوي حادث .
ملاك صرخت : شنووووووو ؟؟ ؟
رانية : ملاك .. ليه انتي ماتدرين وش اللي يصير ؟
ملاك وهي تبكي : شنو اللي يصير .. فيصل في المستشفى وانا مدري .
رانية : م .. م .. ملاك .. انا فكرتك تدرين .
ملاك : شكرا قلتين لي .. كان بقيت مدري عن شي .
وقفلت وراحت للبنات .. وهي تبكي : قلت لكم .. قلت لكم فيصل فيه شي .
دخلت ام فيصل ووراها الحريم : ولدي شفييه .
ملاك تبكي وراحت حضنت أم فيصل وجلست تبكي : يممه ليلى .. فيصل في المستشفى .. فييصل اللي كان يبيني .
ام حسان تعجبت من كلام ملاك . بس سكتت .
أم فيصل سوت سالفة عشان يودونها لولدها المستشفى .. وفعلا اجا راجي واخذهم كلهم للمستشفى .
وصلو للمكان اللي فيه الرجال والشباب .. ملاك ركضت لحمد وهي تبكي : فيصل شفيه ؟؟
نزل حمد راسه : مدري شقول لك .. يقول حسام داخل في غرفة العمليات من ساعة .
ملاك وقفت عن الجدار وجلست تبكي والبنات حولها .. أما ام فيصل جالسة على الكرسي وتبكي والحريم يهدونها ..
الرجال والشباب واقفين ينتظرون الدكتور يطلع ..
بعد ساعة .. طلع الدكتور من الغرفة .. وكل الرجال راحو عليه
أبو فيصل : ها دكتور طمنا .
الدكتور : حنا سوينا اللي علينا .. والباقي على الله .. الحمد لله العملية نجحت .. بس مااخفي عليكم .. حالته خطيره
احنا بننقله للعناية المركزة .. بنراقبه لمدة 24 ساعة .. واهي اللي بتحدد مصيره .
ملاك : مصيره ؟؟ كيف يعني ؟
الدكتور : يعني هالاربع وعشرين ساعة اهي اللي بتحدد .. يعيش .. ولا لا .
ملاك لما سمعت كلام الدكتور رجعت تبكي والبنات يهدونها .. اما ام فيصل اغمي عليها ونقلوها ترتاح في غرفة .

...
اجمع أحزانك وهمك والعتاب
وهلها وسط صدري هلها
لاتخاف من الملامه والعتاب
دام أنا راضي سيوفك سلها
فدوتك روح تحبك ماتهاب
تتجه للموت لوتأشر لها
تمشي بشورك ولوهو خراب
لعنبو روح تعاند خلها

.....

بقت واقفة عند الزجاجة العازلة لغرفة العناية وهي تبكي وتدعي ربها يعيش فيصل .. وتناظر في الساعة وتناظر في فيصل .. تنتظر منه حركة وحده بس ..
مرت 23 ساعة .. وبقى على 24 ساعة .. دقيقتين بس .. لما شافت ملاك الساعة زادت دموعها : فيصل تحرك .. تحرك .
وجلست تبكي وتدعي ربها ..
شافت الدكتور جاي .. وقال لها تروح .. ودخل اهو والممرضات وباقي الدكاترة .. وملاك تبكي برا ..
بقى الدكتور دخال لمدة ساعة .. وبعدين طلع
راحت ملاك تركض وهي تبكي : دكتور .. الله يخليك .. فيصل مامات صح .. صح .
الدكتور وقف بعيد شوي ونزل راسه .. وناظر في ملاك والباقي ..
ابتسم : ابارك لكم هالحب .. كان مابين الحياة والموت .. وكأنه يختار .. يموت او يعيش .. على آخر دقيقة .. حرك يده
وفتح عيونه .. الحمد لله .. الخطر انتهى .
ملاك مابين دموعها ابتسمت وحضنت ريم من الفرح .. والكل شكر الله .

نقلو فيصل لغرفتة بعد ساعتين من اللي حصل .. وانتظروه يصحى ..
اول ماصحى .. كانت ملاك واقفة عند السرير .. والحريم جالسين على الكراسي والرجال برا .. والشباب داخل مع الحريم
لف راسه ناحية ملاك .. ملاك ماكانت منتبهة انه صحى .. ولا باقي الحريم والبنات ولا الشباب ..
فيصل بصعوبة : م .. م .. ملاك .
ملاك لما سمعت اسمها لفت لعنده على طول : فيصل !!!
والحريم كلهم قامو والكل التف على السرير ..
أم فيصل : ياحبيبي ياوليدي .. ماتشوف شر .. ان شاء الله آخر السوء .. كذا تخوفنا عليك .
ابتسم فيصل ابتسامه خفيفة وبعدين قال : م .. مااي .
راحت ملاك وجابت له ماي وعطته أم فيصل تشربه .
واجو الرجال يجلسون معه شوي والجريم رجعو للفندق ..

يوم الاربعاء من الاسبوع الثاني .. في البحرين .. وبالتحديد في الفندق .

نايف : يلا امشوو تأخرنا .
البنات : كانا جايين .
اجو يركضون ..
شهد : وناسة اخيرا فيصل بيطلع من المستشفى .. تعبنا من الروحة والجية .
راجي : الحمد لله والشكر .. موب لوجه الله مستانسة حضرتك .
بتول : هههه .. الا وين ملاك ؟
مناف : اووو من زماااان راحت .. من الصباح واهي في المستشفى مع الحريم موب انتو .
ريم : اااخ بس .. اكيد اهي اول الرايحين .
جود : ههههه امشو امشو لا يكثر بس .
طلعو للمستشفى واول ماوصلو دخلو لغرفة فيصل لقوه جالس على الكنبة اللي في غرفته ويسولف مع جدته ..
شهد : والله واخيرا يافصول بنطلعك من هالمستشفى .
فيصل : هههه ايه تخيلي بطلع .. شوفي كيف .
شهد : اييه عشان نخلص من الروحات الجيات .
فيصل : وانا قلت لك تجين يعني ؟؟ .. وجودك وعدمه واحد .
شهد : انا وجودي وعدمه واحد .؟؟
فيصل : كلكم انتي والبنات وهذيل بعد .
نايف : مالت عليك .. لو ماالبنات كان ملاك راحت فيها من البكي .
فيصل طلع في ملاك : ليه ملاك بكت ؟
راجي : سؤال زي وجهك .. لو جبنا لها بركه عبتها .
قامو كلهم يضحكون .
دخل أبو فيصل : يلا فيصل مشينا .
فيصل : يلا .
طلعو من المستشفى وراحو للفندق .
لما دخل فيصل : والله حركات تعرفون تختارون فنادق مثل الناس .
نايف : وش قصدك ؟؟ .. اكيد دام انا موجود .
فيصل قرب من نايف : نيووف .. اعترف انك مو انت اللي اخترت الفندق .. ابوي صح ؟
نايف : اححححم .. اسكت ايه ابوك لا تفشلنا .
فيصل بصوت عالي : قلت لك ابوي اللي اختاره توقعت .
كلهم طلعو في نايف ..
نايف قال : لو موب توك طالع من المستشفى كان جاك كف .. بس خلنا محترمين حالتك .
فيصل : غصبا عنك تحترمني .
راجي : افف لو انت ميت وافتكينا منك موب احسن .. بالله وش اللي خلاك تتحرك .. بقى دقيقة وحده ليه تحركت ؟
فيصل : امممما دقيقة وحده .
مناف : والله انها دقيقة .. بقى دقيقة بسسسسس على الاربع وعشرين ساعة .. حركت يدك .
فيصل : امم والله اانا خطير .. المهم يبه وين غرفتي ؟
أبو فيصل : مع الشباب .
فيصل : وشووو ؟؟ مع الشباب .. ناوي علي .
نايف : لييه انت احسن مننا .. بعد قول تبي طابق كامل لك .
فيصل : اييه .. انا توي طالع من المستشفى .
راجي : ياليييييييل .. اذا كل من طلع من المستشفى نكشخه .. على كذا فلسنا حنا .
مناف : اي والله .. واذا السالفة كذا .. انا بروح معاي زكام .. بنام هناك يوم وبطلع .. وتسوون لي كذا .
فيصل : لا يكثر خلاص بنام معاكم .

يوم الجمعة ..
الكل يتجهز عشان يرجعون الخبر ..
أيمن كان يتحلطم : افف انا قلت ابي اروح عين عذاري ولا خذيتوني .
فيصل : كل مره تجيها ماشبعت .
أيمن : انت آخر واحد تتكلم .. بسبتك مارحنا .. مدري ليه مسوي لنا هالحادث .
فيصل : انا لله والله ماتسوى علي هالدقيقة .
ملاك مرت من عندهم : ايمن عيب مايقولون هالكلام .
أيمن : مانا ملاك أبي اجي .
ملاك : المره الجاية .
أيمن ناظر في حسان : هيي حسانو .. عندي شرط عشان تاخذ ملاك .. يوم ثاني من عرسكم توديني انت وياها عين عذاري
حسان سكت وناظر في ملاك .. فيصل ناظر في ملاك ونزل راسه ..
فيصل : انا بنزل تحت .
نزل تحت .. وراح وراه حسان .. وملاك راحت مع البنات يحملون الشنط .


~>> يتت‘ـتب‘ـع <<~

اول ماوصلو البلد .. وكل واحد اتجه لبيته .. على انهم يلتقون يوم ثاني في بيت الجدة .. وطلبت الجدة من ملاك أنها تدق على جدتها وجدها وخوالها وخالاتها يجون بعد .

وصلت البيت .. ورمت حالها على السرير من التعب ..
بعد دقايق .. قامت خذت لها شاور ونامت ..

......
مايموت الشوق لو قل الوصل ..
ومايهز القلب زلزال الظروف ..
وانت داري في محبتنا اصل ..
ولو يطول الصمت لا يلحقك خوف ..
والغلا بالقلب والله متصل ..
ثابت مثل الأصابع بالكفوف ..

......

جلست الصباح واخذت لها شاور وزبطت شعرها ونزلت تحت ..
حمد : صبااح الورد .
ملاك ابتسمت : صباح النور .
حمد : دقيتي على جدتي ؟
ملاك : اووبس زين ذكرتني .. الحين ادق .

دقت على جدتها وخوالها وخالتها وقالت لهم يجون اليوم بيت جدتها أم محمد .
وراحت تاكل لها شي .
حمد : انا طالع بيت عمي ابو فيصل .. بتجين وياي لو بتجين مع السواق ؟
ملاك : لا لا .. الحين بجي معاك .. بس ألبس عبايتي
ركبت فوق تلبس عباتها .. ونزلت .. : يلا مشينا .
طلعت اهي وحمد .. ( أيمن كالعادة نايم في بيت جدته أم غازي ) .


الساعة 4 في بيت الجدة أم محمد ..
الكل اجتمع هناك .. وصاير البيت فوضى .. بس حماس .
البنات والشباب جالسين لعب في الحوش بالماي .
والحريم والرجال داخل .
ملاك واهي تركض : ووووجع يوسف خلاص .
يوسف واهو يرمي عليها الماي : هههههه مابي مابي .. اسبحك ببلاش ياختي .
ملاك : مالت عليك ..
وضل يركض وراها .. اجا بيرمي ماي .. رماه بالغلط على شهد .. شهد شهقت : ووش سويييييييت .
يوسف شهق وراها : آآآآآسف .
شهد : لا مو علي ..
وراحت ونادت على الشباب .. : تعالو امسكولي يوسف .
والشباب يركضون ورا يوسف ويوسف يقول : وربي آسف
الى ان مسكوه وثبتوه .. واجت شهد ورشت عليه مااي .
وقامو يضحكون .
يوسف : اووكي مقبولة .. نايف .. طلع لي ملابس من عندك .
نايف : هههه طيب تعال معاي .

وركب نايف ويوسف فوق ..
وظلو الباقي تحت ..
بعد 5 دقايق ..
رن جرس الباب وكان نايف ويوسف طالعين للحوش ..
يوسف راح يركض للباب : انا بفتتتتتح .
في جهة ثانية .
اجا فيصل لملاك : ملاك .
ملاك : هلا .
فيصل : ممكن أسأل سؤال ؟
ملاك : تفضل .
فيصل : انتي مرتاحة مع حسان ؟
ملاك : الحمد لله .
فيصل : طيب .. ملاك انا شنو بالنسبة لك ؟
ملاك نزلت راسها : فيصل خلاص انسى .. انا الحين في ذمة رجال .. مايصير اللي تسويه .. الله كاتب لنا كذا واذا كاتب غيره بيصير .
ومشت من عنده .. وكل الشباب والبنات واقفين ويناظرون بعض
فيصل : ملاك .
ملاك وقفت .
فيصل : بظل أحبك .
سمعو صوت من وراهم : ابارك لكم هالحب .
التفتو .. لقو حسان .. يوسف.. والباقي واقفين وخايفين من اللي راح يصير .
ملاك نزلت راسها وماعرفت شتسوي .
حسان تقرب من ملاك وملاك خايفة رفعت راسها : حسان انا ....
قاطعها ببتسامه : لا تقولين شي .. ملاك .. اللي خسرناه نقدر نرجعه .
ملاك ناظرت فيه : كيف ؟
حسان : امي وافقت نفسخ الخطوبة .
ملاك : جد .
كل اللي هناك استغربو من الكلام اللي يقوله حسان .
حسان : ايوه جد .. وهذي الورقة .. انتهى كل شي .
والتفت لفيصل وراح له .. ابتسم : لا تضيعها من يدك مرة ثانية .. ضاعت مره ورجعت المره الثانية ماراح ترجع .. جد احسدكم على الحب اللي انتو فيه .. الله يخليكم لبعض .. وهااه .. لا تنسى تعزمني على الملكه حقتكم لا أزعل ها .
فيصل ابتسم : والله انك رجال وسيد الرجاجيل .
راجي : ماتبتدخل ؟
حسان : لا .. ههه الرجال يدرون قبلكم بكل شي .
نايف : والله .. وانا شنو ليه انا مادريت موب انا عمها .
حسان : نسيت أحسبك هههه .. المهم ملاك .. انتبهي لنفسك .. وفيصل انتبه لملاك .
فيصل : في عيوني .
حسان : يلا مع السلامة .
مناف : وين بدري ؟
حسان ابتسم : ههه وراي مشوار رايحين نخطب حبيبتي .
الشباب : احلااااااااااااااااااااااااااااااااااااااااااااااا ااااااااااا
حسان : يلا مع السلامة .
ملاك : حسان .
التفت لها حسان : هلا .
ملاك ابتسمت : شكرا .. سلم على ريمان وبارك لها .
حسان : يووصل .. يلا سلام .
بعد ماطلع حسان الشباب والبنات على طول مع بعض : هووووووووووووووووووووووووووووووووووووووووو
راجي : مبروك مبروك مبروك .. يلا لا اشوفك واقف فيصلو هنا .. قدامنا يالله قدام الكل تخطبها يلااااااااا .. اخوها داخل قدااامي اشوووف .
جرو فيصل لداخل وملاك من الفرح جلست تبكي مو مصدقة والبنات يضحكون عليها .
دخل فيصل للرجال ..
راجي : احممم فيصل يبي يقول شي .
الرجال : يلا .
فيصل : احم .
نايف : اخلص المايك يشتغل موب لازم احم وكح و 1 2 3 .
فيصل غمض عينه وقال بسرعه : حمد ابي ملاك على سنة الله ورسولة .
واهو لسة مغمض عينه ماسمع ولا رد فتحهم بشويش .. ماسمع الا : هههههههههههههههههههههههههههههههههههههه
فيصل : انا اتكلم جد .
حمد : مايبي لها تفكير .. موافق اكييييد .
أبو فيصل رمى مخده ع فيصل : انا مو مالي عينك .. ابوك انت وخشتك لازم تاخذ رايي .
فيصل : وش رايك طيب ؟
أبو فيصل : والله .. يوم خذيت الموافقة جاي تسأل .
فيصل : هههه يلا يبه قوول .
أبو فيصل : هو انا اقدر افرق ثنين يحبون بعض ؟
الشباب قامو يصفقون ويقولون : عاااااااااااااااااااااااااااااشوووووووو بو فيصل .
نايف : تحسو يعني جالسين في اجواء فلم هههه .
أبو يزن : يعني نقول مبروك .
راجي : لاااااااااااااااااااا .. انتظرو يسوون تحاليل شنو على طول مبروك .
أبو يزن : هههههههه طيب طيب .
طلعو الشباب بره للبنات .. فيصل على طول لملاك : خطبتك .. خطبتك .. وحمد وافق .
ملاك : ههه طيب ماخذيتو رايي .
فيصل : طيب نعم صح ؟
ملاك : مم .. لا مو نعم .
فيصل : اجل !!!!!!!!!!!!
ملاك : ههه .. اكيد .
قامو البنات والشباب يضحكون .. ريم : اخيييرا نخلص من قصتكم انتو ووجيهكم .
راجي : ايييييييه الدنيا .. شفتو شباب .. من قال ماتجيب راس فصوول حرمه .. كاهي ملاك جابته لعندها .. ولا تنسون الدقيقة ههههه .
فيصل : يالييل والله ماتسوى علي هالدقيقة .. المهم انا جنب ملاك الحين .
يزن : الله يخليكم لبعض .


~>> يتت‘ــتب‘ـع <<~

بعد مرور سنة ونصف ..

ملاك وفيصل تزوجو .. وجابو .. محمد ..
روز بنت أبو يزن .. تزوجت اهي وباسل وجابو .. نور .
نايف .. تزوج خالة ملاك ندى .. وجابو ولد سموه عامر .
شهد .. فأخذها يوسف .. وجابو توأم بنت وولد .. فيصل وملاك
حلا وراجي .. جابو ولد وسموه أمجد .
خالد وبتول .. بتول حملت بس سقطت .. وحملت مره ثانية وفي الشهر السادس .
حمد ورهف .. تزوجو بعد ماخلصت رهف دراستها .. وحامل في الشهر الاول .
اما حسان .. فتزوج أهو وريمان وجابو بنوتة سموها ملاك .
....
في مزرعة أبو فيصل ..
الكل مجتمع برا في المزرعة ..
نايف جالس مع محمد ولد فيصل .. ومعاه ندى
نايف : تدري امك وابوك بلشه قبل لا يزوجون .
محمد : بلثة اي اينك ( بلشة في عينك ) .
نايف : ههههههه هذا شكله طلع على فيصل .
ندى : هههه ايه ملاك موب طويلة لسان مثله صراحة .
محمد : ا .. ا .. ناا .. اب ماما .. اب بابا .. اب تل الناث ( انا احب ماما واحب بابا واحب كل الناس ) .
ندى : ياعمرييييي .
محمد : بابا واو صعير .. مااتانت اهد يهبه بس ماما هبها ( بابا وهو صغير ماكان يحب احد بس ماما حبها) .
نايف : الله يخليهم لبعض يارب .

وعاشو في سلام وهناء

النهـــــــــاااااااية

انتهيت يوم الخميس .. 8 \ 5 \ 1431 .. الساعة
الثامنة مساء


ت‘ـحي‘ـآآتي لكم ..

آحآسيسوـو

الحقوق محفوظة لي هااا << برا

وماوصيكم تنشرونها ..


وبعد لا انسى


ابي تعليقكم على الرواية كاملة

يعني اي ملاحظة .. او او او ..

وعجبتكم ولا ؟؟

وبص ^^